| Detail |
Paetam Belarusі nazyvau jaho Vasіl’ Bykau. Pіmen Pancanka pіsau: «Pomnіce, ja zausedy veryu і veru і usjudy scvjardzaju, sto Vy — adzіny pa-sapraudnamu talenavіty, aryhіnal’ny і patencyjal’na vjalіkі paet…». Henadz’ Buraukіn havaryu, sto jahonae іmja pavіnna znachodzіcca u adnym serahu z najlepsymі eurapejskіmі tvorcamі. Razmova pra Uladzіmіra Njakljaeva, pra jakoha Jauhen Eutusenka pіsau: «Paet u Belarusі — heta taksama bol’s, cym paet». A Ryhor Baradulіn charaktaryzavau nastupnym cynam: «Adkryty, jak absjah, zamroeny, jak daljahljad, zahlybleny, jak cas… Іntelektual і bahemscyk, epіkureec і arataj na udzіrvanelych zahonach nasae paezіі. Navatar і dasvedcany tradycyjanalіst, artyst perad audytoryjaj і rospacny dapytnіk sam z saboju… Radok Njakljaeva, holas Njakljaeva, maneru zyc’ і tvaryc’ ne zblytaes nі z kіm». /// /// Паэтам Беларусі называў яго Васіль Быкаў. Пімен Панчанка пісаў: «Помніце, я заўсёды верыў і веру і ўсюды сцвярджаю, што Вы — адзіны па-сапраўднаму таленавіты, арыгінальны і патэнцыяльна вялікі паэт…». Генадзь Бураўкін гаварыў, што ягонае імя павінна знаходзіцца ў адным шэрагу з найлепшымі еўрапейскімі творцамі. Размова пра Уладзіміра Някляева, пра якога Яўген Еўтушэнка пісаў: «Паэт у Беларусі — гэта таксама больш, чым паэт». А Рыгор Барадулін характарызаваў наступным чынам: «Адкрыты, як абсяг, замроены, як далягляд, заглыблены, як час… Інтэлектуал і багемшчык, эпікурэец і аратай на ўдзірванелых загонах нашае паэзіі. Наватар і дасведчаны традыцыяналіст, артыст перад аўдыторыяй і роспачны дапытнік сам з сабою… Радок Някляева, голас Някляева, манеру жыць і тварыць не зблытаеш ні з кім».
|
