| Detail |
Uladzіmіr Lіpskі — nadzvycaj smathranny calavek: znakamity pіs’mennіk, na rachunku jakoha zvys za 70 knіh prozy, dakumental’nych apovescjau, publіcystykі, mastackіch tvorau dlja dzjacej; starsynja praulennja Belaruskaha dzіcjacaha fondu; halouny redaktar dzicjacych casopіsau «Vjaselka» і «Busja»; arhanіzatar Usebelaruskaha festyvalju humaru u Aucjukach. Knіha «Uladzіmіr Lіpskі: zycce і tvorcasc’» — heta zachapljal’naja hіstoryja zyccja pіs’mennіka і hramadskaha dzejaca, tvorcaha calaveka, jakі plenna pracue na karysc’ ne tol’kі dzjacej, ale і usej Belarusі. Heta sproba asensavannja taho, jak asabіsty zyccevy dosved calaveka, jaho perazyvannі, pacuccі, mary і navat stodzennyja klopaty znachodzjac’ adljustravanne u mastackaj tvorcascі. U knihu ukljucany narysy pis’mennikau, sjabrou, supracounikau, ahljady tvorcascі Uladzіmіra Lіpskaha, іnterv’ju z іm i navat epіhramy i prysvjacennі jaho kaleh, jakіja raskazvajuc’ ab zycci i tvorach hetaha talenavіtaha, sonecnaha calaveka. Ne mens cikavyja jaho autabijahrafija z admetnym humaram, nezvycajnyja «ulіpkі» — dzennіkavyja zapіsy, a taksama redkija archiunyja fotazdymkі. /// /// Уладзімір Ліпскі — надзвычай шматгранны чалавек: знакамiты пісьменнік, на рахунку якога звыш за 70 кніг прозы, дакументальных аповесцяў, публіцыстыкі, мастацкіх твораў для дзяцей; старшыня праўлення Беларускага дзіцячага фонду; галоўны рэдактар дзiцячых часопісаў «Вясёлка» і «Буся»; арганізатар Усебеларускага фестывалю гумару ў Аўцюках. Кніга «Уладзімір Ліпскі: жыццё і творчасць» — гэта захапляльная гісторыя жыцця пісьменніка і грамадскага дзеяча, творчага чалавека, які плённа працуе на карысць не толькі дзяцей, але і ўсёй Беларусі. Гэта спроба асэнсавання таго, як асабісты жыццёвы досвед чалавека, яго перажыванні, пачуцці, мары і нават штодзённыя клопаты знаходзяць адлюстраванне ў мастацкай творчасці. У кнiгу ўключаны нарысы пiсьменнiкаў, сяброў, супрацоўнiкаў, агляды творчасці Уладзіміра Ліпскага, інтэрв’ю з ім i нават эпіграмы i прысвячэнні яго калег, якія расказваюць аб жыццi i творах гэтага таленавітага, сонечнага чалавека. Не менш цiкавыя яго аўтабiяграфiя з адметным гумарам, незвычайныя «ўліпкі» — дзённікавыя запісы, а таксама рэдкiя архiўныя фотаздымкі.
|
